Teatro da Semente participou na terceira edición do FOMe, Festival de Objectos e Marionetas que se celebrou no Algarve entre 15 e 21 de xuño. Representamos Chíos, poesía sensorial para bebés, no fermosísimo Teatro Lethes, de Faro (Algarve, Portugal), os días 20 e 21 de xuño.
Chíos foi seleccionada para participar na 20 Mostra Internacional de Artes para o Pequeno Público que se celebrou a principios do mes de xullo en nas localidades portuguesas de Almada, Barreiro, Castro Verde, Moita, Montemor-o-Novo, Seixal e Sesimbra.
Regresamos da Fira de Titelles de Lleida moi ledas pola excelente acollida que tivo Chíos. Por vez primeira esta fira acolleu un espectáculo dirixido aos bebés.
Gràcies per acollir-nos amb tan d’afecte!
A Televisón de Galicia acudiu a representación de Viaxe a Dadá que tivo lugar o pasado sábado 18 de abril, no Auditorio do Museo do Pobo Galego, en Santiago de Compostela, e fixo esta fermosa reportaxe que foi emitida no Telexornal Fin de Semana da tarde de ese memos día.
Moi felices de poder anunciar que o noso espectáculo Chíos foi seleccionado para participar na programación da 26ª Feria de Titelles de Lleida, que se celebrará os días 1, 2 e 3 de Maio.
Que mellor xeito de comezar este ano 2015 que traballando no que mais nos gusta en os divirte?. Con seis felices Chíos, con seis funcións nada menos, no auditorio do Conde Duque, nos impoñentes edificios de comezo do século XVIII, o abeiro das actividades culturais programadas polo Concello de Madrid durante este Nadal, la Ciudad de los Niños 2014.
Foi un auténtico pracer ser convidadas a representar Chíos no na Feira das Industrias Culturais Galegas, celebrada en Pontevedra os días 5,6 e 7 de decembro de 2014.
A estrea en castelán de Chíos tiña lugar en terras salmantinas, na Feria de Teatro de Castilla y León, e alá fomos, con moitas ganiñas de actuar para o público castelá-falante e unha valixa chea de cantadelas, xogos e asubíos.
Xa podemos compartir con vós a nosa ledicia: Teatro da Semente (Chus Álvarez e Raquel Queizás) foi seleccionado para participar na decimosétima Feria de Teatro de Castilla León. En Agosto as sementeiras viaxaremos ate Ciudad Rodrigo para facer a estrea en castelán de CHÍOS, a nosa segunda montaxe, xunto a 40 compañías do resto de…
